पिंपरी, पुणे (दि. २५ जून २०२६) पिंपरी शिवसेना उद्धव बाळासाहेब ठाकरे पक्षातून एकनाथ शिंदे यांच्या शिवसेना पक्षात प्रवेश केलेले संजय दीना पाटील यांनी पत्रकारांविषयी केलेल्या अवमानकारक वक्तव्याच्या निषेधार्थ पिंपरीत पत्रकारांनी बुधवारी तीव्र निषेध आंदोलन केले. यावेळी एकनाथ शिंदे यांनी संजय दिना पाटील यांचा राजीनामा घ्यावा अशी मागणी सर्व पत्रकारांनी केली.
भारतरत्न डॉ. बाबासाहेब आंबेडकर चौकात झालेल्या या निषेध आंदोलनात
गोविंद वाकडे, नंदकुमार सातुर्डेकर, अविनाश चिलेकर, संतोष मिश्रा, रोहित आठवले, बाळासाहेब ढसाळ, विजय जगताप, अनिल वडघुले यांनी यावेळी खा. संजय दिना पाटील यांचा निषेध करणारी भाषणे केली.
या आंदोलनात मिलिंद कांबळे, विजय जगताप, अमोल काकडे, नरेश नातू, सुरज कसबे, राजेश स्टीफन, अतुल मारवाडी, प्रसन्न तरडे, विकास शिंदे, भानुदास हिवराळे, सुरज कसबे, विश्वजीत पोल्ले, पराग कुंकूलोळ आदींनी सहभाग घेतला होता.
यावेळी गोविंद वाकडे म्हणाले की, संजय दिना पाटील यांचे वक्तव्य निषेधार्ह असे आहे.लोकप्रतिनिधीला ही भाषा शोभत नाही. अशा खासदाराची हकालपट्टी करून राजीनामा घ्यावा.
ज्येष्ठ पत्रकार नंदकुमार सातुर्डेकर म्हणाले की, माध्यमांचा आवाज दाबण्याचा प्रयत्न करून लोकशाहीचा गळा घोटला जात आहे. महाराष्ट्रात राजकारणात सुसंस्कृतपणा राहिला नाही. एकमेकांना शिव्या देणारे नेते आता पत्रकारांना लक्ष्य करू पाहत आहेत संजय दिना पाटील यांनी जी शिवराळ भाषा वापरली त्याहीपेक्षा अधिक टोकाची भाषा आम्हाला बोलता येते. सत्तेच्या मुजोरीतून आपण ही भाषा बोलत असाल तर पत्रकार हे खपवून घेणार नाही असा इशारा सातुर्डेकर यांनी दिला.
अविनाश चिलेकर म्हणाले की, भाजप अशा वाचाळवीरांना पाठीशी घालत आहे.
संतोष मिश्रा म्हणाले की, प्रश्न विचारणे हे पत्रकारांचे काम आहे. जीवावर बेतले तरी आम्ही आमचे हे कर्तव्य पार पाडत राहू संजय दिना पाटील यांच्या धमकीला भीक घालणार नाही.
बाळासाहेब ढसाळ म्हणाले की, सत्ताधाऱ्यांना झोडून काढले तरच ते वटणीवर येतील.
यावेळी खा. संजय दिना पाटील यांच्या विरोधात घोषणा देण्यात आल्या.
